Toshkentda Davlat xavfsizlik xizmati xodimlari tomonidan Xitoydan keltirilgan 574 ming dona noqonuniy infuzion tizimlar kontrabadasi fosh etildi, deb Nova24 xabar berdi. 1992 yilda tug‘ilgan erkak o‘z tanishi va bank xodimi bilan til biriktirib, Xitoydan O‘zbekistonga qariyb 800 ta qutida 574 ming dona infuzion tizimlarni olib kirishga uringan. Ushbu tovarni 55 700 AQSh dollariga (taxminan 700 million so‘m) sotish niyatida bo‘lgan. Ekspertiza natijasida tovar foydalanishga yaroqsiz deb topildi.
Hodisa yuzasidan O‘zbekiston Respublikasi Jinoyat kodeksining 186-3-moddasi 3-qismi "a" bandi bo‘yicha jinoyat ishi qo‘zg‘atildi. Aybdorlarga 7 yildan 12 yilgacha ozodlikdan mahrum etish jazosi tahdid qilmoqda.
Toshkent, Xitoy, O‘zbekiston, Nova24, Aqsh
